أغنية "مشتاق للقاك" اهداء إلى الرائع جلال عامر رحمه الله

أغنية "مشتاق للقاك"
اهداء إلى روح الأب والصديق جلال عامر.. كتبتها يوم رحيله واهديها إليه يوم ميلاده (راجى جلال عامر)
أغنية "مشتاق للقاك"
كلمات: راجى جلال عامر
***********************
جوايا شىء إنكسر
جوايا شىء مش فى البشر
جوايا خوف

جوايا رغبة فى اللقا.. فى الإعتذار
جوايا حزن.. جوايا نار

مشتاق للقاك
وكلامى معاك
بتمنى أشوفك.. بس دقايق
وأحكى معاك

طب ينفع تيجى فى احلامى
طب طل وأشوفك فى منامى
طب إسمع يا أبويا كلامى.. أنا مش هنساك

راح أشرف إسمك يا أبويا وفى كل مكان
شارع مدرسة.. متحف وميدان

مشتاق للقاك
وكلامى معاك
بتمنى أشوفك بس دقايق
وأحكى معاك
***********************************
شكر للمساهمة فى إعداد اللحن: راجى جلال عامر - أحمد أنور - أسامة على
غناء: أسامة على
توزيع: يحيى نور
هندسة الصوت: جاك

عازفين
******
كلاسيك جيتار - إليكتريك جيتار: سامح رفيق
باص جيتار: عماد داوود
كمان: أحمد زكى

Posted in: أخبار,صور - فيديو,منوعات